ATVINNUMÁL KVENNA 

Styrkir til kvenna með góðar viðskiptahugmyndir

Um styrki til atvinnumála kvenna

Styrkjum til atvinnumála kvenna er úthlutað einu sinni á ári en þeir eru ætlaðir konum sem eru að vinna að viðskiptahugmynd eða þróa verkefni.  Markmiði er að auka aðgengi frumkvöðlakvenna að fjármagni.

Einnig er vísað í lög um jafna stöðu karla og kvenna en þar eru sértækar aðgerðir til að jafna stöðu karla og kvenna heimilaðar, sjá hér http://www.althingi.is/lagas/nuna/2008010.html

Á síðustu árum hefur verið úthlutað um 40 milljónum í fjölbreytt verkefni víðsvegar um landið. Styrkirnir hafa oft skipt sköpum fyrir verkefnin en einnig eru þeir mikil hvatning þeim sem að eru að stíga sín fyrstu skref í viðskiptum.

Styrkirnir eru veittir af félags- og barnamálaráðherra en Vinnumálastofnun sér um umsýslu þeirra.

Skrifstofa Atvinnumála kvenna er í aðalstöðvum Vinnumálastofnunar í Kringlunni 1, og hægt er að fá frekari upplýsingar um styrkina í netfanginu atvinnumalkvenna@atvinnumalkvenna.is

Næst verður auglýst eftir umsóknum um styrki í febrúar 2022.