Fjáðu fjármagn, ráðstefna um fjármögnunarmöguleika sprotafyrirtækja og nýskapandi verkefna, verður haldin þann 4. október 2018 kl. 9-12 á Hilton Reykjavík Nordica en skipuleggjendur ráðstefnunnar er fyrirtækið Poppins og partners.

Meðal fyrirlesara verða Kolbrún Hrafnkelsdóttir, stofnandi Florealis, Hekla Arnardóttir, Founding Partner hjá Crowberry Capital, Guðmundur Hafsteinsson, vörustjóri hjá Google, Ásdís Guðmundsdóttir, sérfræðingur hjá Atvinnumálum kvenna, Ingi Rafn Sigurðsson, stofnandi Karolina Fund og Paula Gould, sérfræðingur í markaðssamskiptum.

Seinni hluta dags, kl. 13-15, verða haldnar hagnýtar vinnustofur, þátttakendum að kostnaðarlausu.
Aðeins 20 sæti per vinnustofu, ein vinnustofa per þátttakanda. Skráningar á vinnustofur fara fram við miðakaup.

Ingi Rafn Sigurðsson hjá Karolina Fund mun leiða vinnustofu í gerð árangursríkra hópfjármögnunarherferða og þær Þórunn Jónsdóttir og Hanna Kristín Skaftadóttir hjá Poppins & Partners munu leiða vinnustofur í styrkumsóknaskrifum og gerð fjárfestakynninga.

Bakhjarlar ráðstefnunnar eru Atvinnumál kvenna, Frumtak, Nýsköpunarsjóður atvinnulífsins og Svanni lánatryggingarsjóður.

Samstarfsaðilar eru Evris, Icelandic Startups, Karolina Fund og Startup Iceland.

Fundarstjóri verður Anna Margrét Guðjónsdóttir, framkvæmdastjóri Evris.

Verð: 15.900 kr

DAGSKRÁ

8:45 – Skráning hefst

9:15 – Ráðstefna sett

9:25 – Frumkvöðullinn: Kolbrún Hrafnkelsdóttir, stofnandi og framkvæmdastjóri Florealis. Hvernig fjárfesti þarftu eða viltu bara peninginn? Kolbrún deilir reynslu sinni af fjármögnun Florealis. Hvernig sannfærirðu einhvern um að fjárfesta í þróun á nýjum lyfjaflokki þar sem leiðin að takmarkinu er bæði tímafrek og áhættusöm? Hvers vegna skiptir það máli að fá réttan bakhjarl og eftir hverju þarftu að leita?

9:45 – Áhættufjárfestirinn: Hekla Arnardóttir, Founding Partner Crowberry Capital. Hekla mun fara yfir það hvað einkennir góða fjárfestakynningu, á hvaða stigi er algengast að leita fjármagns og hvernig samskiptum milli fjárfesta og sprota er best háttað eftir að fjármögnun lýkur.

10:10 – Englafjárfestirinn: Guðmundur Hafsteinsson, yfirmaður vöruþróunar á Google Assistant, englafjárfestir og nýskipaður formaður stýrihóps um mótun nýsköpunarstefnu fyrir Ísland.

10:30 – Kaffi og tengslamyndun

10:50 – Atvinnumál kvenna: Ásdís Guðmundsdóttir, verkefnastjóri VMST. Ásdís mun kynna styrkja- og lánamöguleika fyrir fyrirtæki í meirhlutaeigu kvenna. Hún mun einnig fjalla um könnun sem gerð var um árangur styrkveitinga hjá Atvinnumálum kvenna  síðastliðið haust og hennar persónulegu reynslu af því að vinna með og fyrir konur í frumkvöðlastarfsemi.

11:20 – Hópfjármögnun: Ingi Rafn Sigurðsson, framkvæmdastjóri Karolina Fund. Ingi mun fjalla um hvað einkennir verkefni sem ná árangri í hópfjármögnun, hve háum upphæðum ná þau og hvað þarf að gera til þess að ná árangri. Hann mun deila reynslu sinni og segja frá starfsemi Karolina Fund og  fjölbreyttum verkefnum sem hafa náð árangri víða um Evrópu.

11:40 – Tengslanet og fjármögnun: Paula Gould, sérfræðingur í markaðssamskiptum. Paula mun fjalla um það hvernig nýta má tengslanetið þegar leitað er til fjárfesta og ef tengslanetið er ekki til staðar, hvernig má koma því upp. Þetta erindi verður haldið á ensku.

12:00 – Ráðstefnu slitið.

Vinnustofur

13-15: Gerð fjárfestakynninga (pitch deck) – Poppins & Partners

13-14: Uppsetning hópfjármögnunarherferðar – Karolina Fund

14-16: Styrkumsóknaskrif – Poppins & Partners

Sæti á vinnustofu fylgir frítt með ráðstefnumiðum. Takmarkaður sætafjöldi!

Aðgangsmiðar fást hér: https://tix.is/is/event/6794/fa-u-fjarmagn-/

 

Facebook/LinkedIn:
Fáðu fjármagn! Ráðstefna um fjármögnunarmöguleika sprotafyrirtækja. Fríar vinnustofur fyrir þau fyrstu sem skrá sig. Einungis 20 sæti í boði á hverja vinnustofu.

Twitter:
Fáðu fjármagn! Ráðstefna um fjármögnunarmöguleika sprotafyrirtækja. #frumkvöðlar #fjármögnun https://tix.is/is/event/6794/fa-u-fjarmagn-/

Tengdar færslur